مرتضى منصور وباسم مرسي
هاجم المستشار مرتضى منصور، رئيس مجلس إدارة نادي الزمالك، لاعب الفريق باسم مرسي بسبب تصريحه بأن أهم شخص بنادي الزمالك هو المدير الفني فيريرا -بحسب ما قال الأول-.
وأضاف مرتضى منصور في مداخلة هاتفية مع خالد الغندور في برنامجه «اللعبة الحلوة مع بندق» على قناة «إل تي سي»، مساء السبت، ” أنا مليش دور ما الولد اللى طلع عندك من شوية وقال إن أهم واحد فى نادى الزمالك هو فيريرا واخد بالك ملناش دور خالص لا تربوى ولا مادى أنا بتكلم عن اللاعب اللى عمل معاك مداخلة – باسم مرسى – اللاعب اللى بيحتك برئيس النادى بتاعه “.
وتابع : “وقالك محدش يقدر يجى ناحية على جبر لا أنا اللى واقف على جبر بصفتى رئيس مجلس الإدارة وشغل الفتونة هناك فى الحارة مش عندى أولا ممنوع أى لاعب يعمل مداخلة مع أي قناة إلا بإذن مدير الكرة وهو لم يستئذن نمرة واحد، نمرة 2 هو مش محامى لعلى جبر نمرة 3 فى مؤسسة محترمة اسمها نادى الزمالك بيديرها رئيس نادى ومجلس إدارة وهو اللى يحدد مين يتعاقب ومين ميتعاقبش نمرة 4 ان مفيش أى حد ليه دور إلا فيريرا لا أنت كداب فعيب أن ولد زى ده يعمل مداخلة بالطريقة ديه ويحتك برئيس نادى محترم هذا المغمور “.
كان اللاعب باسم مرسى، مهاجم نادى الزمالك، قال فى مداخلة مع خالد الغندور في برنامجه «اللعبة الحبوة مع بندق» على قناة «إل تي سي»، مساء السبت، “نبذل أقصى جهد مع نادى الزمالك والحمد لله الواحد عمل اللي عليه مع نادي الزمالك وفي احتراف قريب في أوروبا في يناير وخليها مفاجأة وبيتهيألي انا عملت اللي عليا مع نادي الزمالك بالنسبة انا بلعب في نادي الزمالك عشان الجمهور مش عشان أشخاص”.
0 تعليقات